Nú er bjart yfir Borgarfirði og brúði á Skorradal
Yfirfarin af: Birgir Kristmannsson (03/08/2026)
1
Það dimmir og dagar styttast
2
daprast hugur og sál.
3
Kveður oss mærin mæta
4
minninga tendrast bál.
5
Við mættum þar blíðum brosum
6
blómlegum yndisleik.
7
Óspart hún undir fótinn
8
okkur gaf - hvergi smeyk.
9
En ástin hún lá í leyni
10
lævís oft marga stund.
11
Hún dró hana yfir Dragann
12
til Davíðs, sem býr á Grund.
13
Og Davíð er karl í krapi
14
og kann sín hreppstjóratök.
15
Við orðum það ekki meira
16
ei var það hennar sök.
17
Frá blýöntum, bókum og pennum
18
í búskapinn skundar nú,
19
þótt mærin sú mæta ei vissi
20
muninn á hesti og kú.
21
Efumst þó ekki lengur
22
að hún sig klári pent.
23
Ótrauðir yngismeyjunni
24
ýmislegt höfum kennt.
25
Um fénað og fengitíma
26
folöld og kálfastóð,
27
tryppi og trússahesta,
28
var tæplega kennslan góð.
29
Enda er öldin önnur
30
allt orðið tækni góð.
31
Traktor í stað fyrir truntu
32
og tuddinn kominn úr móð.
33
Mjaltir og meðferð kúa
34
að mestu nafnið er.
35
allt bogur við beljurassa
36
búið - sem betur fer.
37
Heyið komið í hlöðu
38
í hálfrar viku þurrk,
39
nýmóðins tæki og tækni,
40
töðunni gera skurrk.
41
Svo um helgar er brunað á bílnum,
42
á böllin og mannamót,
43
en forleikar fyrri tíma,
44
fá ekki að bera snót.
45
Já - svona er sveitalífið
46
svífandi rósadans,
47
eitthvað annað en argið
48
aumingja borgarans.
49
Að endingu læt í ljósi
50
lifandi trú á því,
51
að borgardæturnar björtu,
52
búi í sveit á ný.
53
Mínar frómustu óskir fylgja
54
fegurstri sprund og hal,
55
nú er bjart yfir Borgarfirði
56
og brúði í Skorradal.
Athugasemdir (1)