#1248
Yfirfarin af: Birgir Kristmannsson (01/08/2026)
1
Hugsa ég um þig heillin góð og heilsu þína,
2
læknar þig að líkum pína,
3
læt ég því mitt ljósið skína.
4
Þraut er oft á þessu landi þorran þreyja,
5
þér ég vil með þessu segja
6
þú munt ekki að sinni deyja.
7
Læknar taka línurit og ljósar myndir
8
leita uppi liðnar syndir
9
á lystisemdir stjörnublindir
10
Einblína á þinn innrimann og eðlishvatir
11
í eðli sínu ósköp latir
12
ekkert vita, kylliflatir
13
Tól á ég og tæki sem að taka úr verki
14
óbrigðult sem Oddur sterki
15
ef ég mætti ganga að verki.
16
Ef ég mætti því um kroppinn á þér strjúka
17
systir góða, silkimjúka
18
sársaukanum myndi ljúka.
19
Upp þú stæðir engillinn með enga pínu,
20
öll í standi feikna fínu
21
ef færir eftir ráði mínu.
22
Lengist dagur, ljósið eykst og lifna grundir
23
lífið vaknar, ljúfar stundir,
24
lystisemdir, endurfundir.
Athugasemdir (1)