#1057

#1057

Yfirfarin af: Birgir Kristmannsson (02/08/2026)

1 Blóðið þrýstir býsna hart á byrðing æða
2 þetta er djöfuls deyð og mæða!
3 Drottinn, látt mig ei hræða.
 
4 Ellin getur okkur orðið eilíf sæla
5 forðast skal að vola og væla
6 varast þrýstinginn að mæla.
 
7 Ef vel er drukkinn vínandi má velsæld finna
8 bragnar með því blóðið þynna
9 betra að drekka meir en minna
 
10 Því skal taka lífi létt og láta flakka
11 dreyfa dimmum skýjaklakka
12 djöflast um, líkt ólmum krakka.

Eftirmáli

Blóðþrýstingur er ekki sjálfstæður sjúkdómur - heldur aðeins vísbending fyrir lækni að eitthvað sé að (ótta, áhyggju, reiði). Ef læknir ýmir einkennið, heimtar iðulegar blóðþrýstingsmælingar og segir skjólstæðing sínum nákvæmlega hvað þrýstingurinn sé hér í hvert skipti, og kvelur aumingja manninn með ströngu mataræði, þá væri þeim manni betra, að myllusteinn væri hengdur um háls honum og skjótur endi bundinn á raunir hans. Hann Göthe karlinn, sem grúskaði í flestu á gamalsaldri, en taldi það fyrir bestu, að taka lífinu létt á hverju sem gengi, maður lifir svo stutt en er dauður svo óralengi.